تنفيسة

نفخ عليها تنجلي

لحسة نيابية لمناكفة الكحومة.

leave a comment »

انو يابا قال عملوا لحسة (بدل جلسة) نيابية (من انياب) لمناكفة (بدل مناقشة) الكحومة (من كحتي) لمدة ٣ ايام صرعوا رأسنا بالمسبات، و الاتهام بالفساد، و الصريخ، والعراك ومدري شو، وبالاخر اخدوا الثقة وفلوا كلن عالبيت.

طيب انو ولنوا يكون في فرقة ١٦ ناطرة برا طلقوتن مثلن و تحطن بالحبس واحد واحد، بتهمة الاعتداء القدح و الذم او السرقة.

اه عفوا، بطل في فرقة ١٦؟ عمى صارو ١٢٠ ضربة وحدة؟ اففف، ولك شو هالبلد.

طيب وين ٤ مليون لبناني ينزلوا يفرجوهن شوية طائفية عادلة و هادفة، و يسكرولن حسابن عالاخر؟ آهه كمان مشغولين يتشارعوا مين سارق اكتر؟

مرحباً حضارة.

Advertisements

Written by واحد عم بينفس

أبريل 20, 2012 at 2:36 م

أرسلت فى مجلس النواب

ولك ما خص الكميونات

leave a comment »

عال انو بدن يحللو عالتلفزيونات أزمة السير و انعدام السلامة العامة و سوء الطرقات، بس يشغلو مخهن شوي. انو معقول يطلع الحق عل الكميونات؟

اكيد هني مش ملايكة بسواقتهن، متل كل هل الشعب العنيد اللي بي عربش عالرصيف بسارتو او بسوق بعكس السير او بزبط دفتر السواقة بالواسطة، بس اكيد ما خص الكميونات انو الزفت انقبع! طيب بلكي ما في زفت كافي يا رفت انت؟

انو ما حدن انتبه انو الدولة مش عم طبق القانون، والطرقات مش مطابقة المواصفات الفنية. وما حدن انتبه انو ما فينا نوقف الكميونات عن الطرق لانو مشاريع البناء بتوقف وببطل فيك تبكي عالشقة اللي مش قادر تشتريها، وجاط السلطة و الخضرا تبعك ما بيوصلوا عالوقت عبطنك، وببطل فيك تعبي بنزين لتنزل تكزدر بالداون تاون.

كمان هيدا باب رزق الكميونات. أنوا شو رأيك انت كمان تبطل تروح عشغلك (اذا عندك) بلكي بتخف العجقة شوي؟

يا عمي برا بقيسوا قوة الاقتصاد من كم شاحنة بتمشي عالطريق. بالله عليكم وقفوا سخافات و عملوا طرقات متل العالم والناس، للكميونات، السيارات و البسكلاتات كمان! اوف.

Written by واحد عم بينفس

يناير 24, 2012 at 12:50 م

وين الكيلوت؟

leave a comment »

صراحة أنا بستنكر اللي كانت لابستو مايا دياب مقدمة برنامج ‘هيك منغني’. اصلن هي مصروعة بلبسها. بس انو حاطط كاس و سهران و بتطلع تلبس هيك عالتلفزيون؟؟؟ انو ليش مش لابسة الكيلوت و سوتيان؟

صراحة أنا استنكر انو كانت لابسة كتير تياب. انو كيف الواحد بدو يفز عمرتو، او عالتلفزيون؟؟ ولك وينيي الدولة؟

20120122-003338.jpg

Written by واحد عم بينفس

يناير 22, 2012 at 12:23 ص

أرسلت فى الشعب العنيد

Tagged with

بنايات بنايات بنايات

leave a comment »

انو عنجد بضحكو بهالبلد. فجأة فاقو من السكرة و تذكرو انو في بنايات مش مطابقة المواصفات الفنية و السلامة العامة.

انو مش شايفين المخيمات الفلسطينية المعترين صرلن ٦٥ سنة تحت لواح تنك، او حي السلم او الاوزاعي او نص الضاحية المعمرة ع أملاك مشاع وأملاك عامة من دون رخص، وكيف فززو عالمدرج، او أحزمة الفقر بالتبانة او بالمناطق غيرا الي ما بتوصلا الدولة.

ولك وينيي الدولة اصلن لتفيق. ما كلن طارقين سكرة، بس عكاريت ما بيحكو ولا بيعزمو. قال انو الدولة فجأة طلعت انو ما بيعرفو انو المواطن خاري عالدولة و ما بيطبق القانون. و طبعاً الدولة و قانونها الأعوج خاريين عالمواطن. يحرق دينن تلّونا.

على كلن ماشي، رح كفي كاسي هلق، اهم من الحكي هيدا. مش حلو كمان الواحد يحكي كتير اول مرة. باي.

Written by واحد عم بينفس

يناير 21, 2012 at 11:16 م

%d مدونون معجبون بهذه: